حاج ملاباسم کربلايی

بوصلة النور | الرادود باسم الكربلائي

قصيدة : بوصلة النور 

أداء: الحاج باسم الكربلائي

 كلمات: الشاعر علي السقاي 

الهندسة الصوتية : حسام يسري

في ذكرى ميلاد  الإمام الحسن المجتبى "ع"

بوصَلة النور  بالحُب اتدور

وابجِهَتَك توگف وگفه ابكل إجلال

نلگه الإحسان اِبهيئة إنسان

اْو بيدك كنز الله اْو مفتاح الأقفال

يالحَسَن كِلَّك حَسَن

خالِقَك ربّك وَطَن

أفئِده تهوي اْو مشاعر

وِلْشَرَف ذاتك تِهاجر

ياللّي خيرك بينه حاضر

مايغيب

شيعه مَندير الوجِه

نعرف اِلمَن نتّجِه

والخريطه فِطره بينه

الله راسمها ابيمينه

والشعور اليحتوينه

شَي عجيب

نِلگه

ابحُبك خير  خل الغير  بي يتمسّك

يُبگه

النور ايلوح  اْو عين الروح  تندَل شمسك

ماتِخضع للدنيا جِهاتك

إنته الشّرْق ابكل حالاتك

السامِع اِسطورَة كرَم

شافك اْو عاف الوهَم

گلبه لمّن لاگه گلبك

حُبْ مِن اَوّل نَظره حَبّك

أعلن المسره اعله دربك

مايحيد

عالَمَك جنّة عجَب

عالحطَب يِرقُص لهَب

بالضيافه تزهي نارك

خزنَة الرب ابجوارك

والوَحي اِبآية "تَبارك"

ظل يعيد

نبحث

بالتفكير  عن تعبير  بالحُب اِيحِس 

نبعث

زاجل شوگ  يحمل طوگ  ورْد النرجِس

نتقرّب ليك اْو نتوَدّد

فدوه الگلبك يابو امحمّد

عِشنه نِشتَمك نَفَس

اِمْن الهَوا ماگلنه بس

لا ولا رايح نِگلَّك  

واليحبّك مايملَّك

وابصدِق حُبنه الوِصَلَّك

ماكو ريب

مانِحب حُب مصلحه

اْو هالكلام انوَضِّحه

سيد اْو إحنه عبيدك

ندري كل النعمه بيدك

اِتمِن علينه لو نريدك

ماهو عيب

چفّك  

للمحتاج  بي أمواج   توصف بحرك

لُطفك 

يكفي الكون  كاف اْو نون  كُنْ تحْت اَمرك

تعطي اْو ندري عَطاءَك رحمه

اْو أيضاً ندري ابمنعك حكمه

يامَلِك بالآخره 

شيعِتَك شعبك تره

حاشه تترك خلفك اَحَّد

تدخل اِلقصر الزَبَرجَد

اْو سُفرتك للشيعه تِمتَد

بالحَنين

بالحشر نتأمّلك

اْو مِن گبل لا نِسألك

يظهَر الشَّأْن اللّي كامِن

تِشفع اْو للجنّه ضامِن

إدخلوها بِسلامِـ(ـن)

آمنين

إحنه

اْللّي نهواك  ماننساك  اْو ماتنسانه

صحنه

ياخو احسين  بالدارين  إبقىٰ اويانه

كلنا انرتّل يوم المحشر

"إنّا اسْتَسْقَيناكَ الكوثر"

صوت : 1439 - بوصلة النور

ویدیو : 1439 - بوصلة النور

کلیدواژه ها:

متن اشعار ملاباسم کربلایی - متن اشعار عربی ولادت امام حسن - مولودی ولادت امام حسن 1397 - ولادت امام حسن 97 - متن مولودی عربی ملاباسم ولادت امام حسن