حاج ملاباسم کربلايی

قصيدة : ها وينك

للشاعر : السيد عبد الخالق المحنه

المناسبة : اسشتهاد ابا الفضل العباس (ع)

الزمن : ليلة 7 محرم 1440 هـ

المكان : هيئة شباب علي الأكبر - لندن

ها وينك يخيمتنه شو نمنا بلا خيمة

خدر قلي جيف انام يم وادم بلا شيمه

يتيم اعله اليتيم يتيمه توسد اييتمه

صدك بس يتحرك راسي ها زينب صاحوا حراسي

📌📌📌📌📌

غافلت الحرس بالليل و اجيتك للنهر قوه

دلتني على امجانك يغالي ريحة الخوه

من شفتك خذاني الخوف قلت ابقلبي مو هوه

متغير يا بعد عيوني ما اظنك تنشدني شلوني

📌📌📌📌📌

السياط اعله اختك منواب و انه اتلفت شعندي

ما ينشلع صوت اعداي الا بقطعه من جلدي

كلمن ينضرب بالسوط يجي و يلاوذ بسدي

و السوط يلّزق بمتوني ونستهم من يشتموني

📌📌📌📌📌

سامحني يضي عيناي بكلامي خاف اذيتك

لونك مو اعز مني و حق حسين ما اجيتك

حنين و اعرف اطباعك اخوي و بيدي ربيتك

يا خيوه الهزل جابوها و اختك للشام يقودوها

📌📌📌📌📌

يا سباح قلبي شبيك اقعد حتى نترايه

باجر اركب الناقة و انته ما تجي وياي

لاجن يا هو اليركبني تجحك هاي الحجاية

منهو الباجر يهتم بينه و جتال حسين اليحدينه

📌📌📌📌📌

وله عني

شريد احجي اعله غيري ولا عني

ونين اني و جراحك ولعني

شمر شتريد عني ولي عني

شفتني بلا اخو ة تجسر عليه

📌📌📌📌📌

وصله مني

عتابي للكفلني وصله مني

يخي النوح اليه وصله مني

دخلي السوط ياخذ وصله مني

و لا عين الغريب تصد عليه

📌📌📌📌📌

تراجف

بلا خيمه و هو الغربه تراجف

و اخبرك دمعي يم جودك ترا جف

بهذا الحر و احس جسمي تراجف

برد و انه سعير اخيام بيه

صوت : محرم 1440 - ها وينك

ویدیو : محرم 1440 - ها وينك