حاج ملاباسم کربلايی

ليلة 9 شهر محرم الحرام 1440 هـ 

قصيدة: يا إلهي يا علي

 أداء: الحاج باسم الكربلائي

 كلمات: الشاعر أحمد الذهبي

 المكان: هيئة شباب الأكبر (ع) – لندن

يا الهي ياعلي

يا محمد يا علي

يا امير الطف علي 

علي علي 

اريد راس ابن غانم 

اريد رجعتك سالم

📌📌📌📌📌

يبعد امك اريدك من تجيهم

صقر و يخيم جناحك عليهم

اليشتموني و يضربوني بسبيهم

تقص السانهم و تقص اديهم

تراهم مو زلم يا زلمه بيهم

قبل ما ترتجز لبسوا عبيهم

يا محمد بالحرب .. يا سهل لكن صعب

يا نبض وسط القلب ..علي علي

ينور جدك الخاتم

اريد راس ابن غانم

📌📌📌📌📌

انا قبلك شفت كثرت عدههم

سبعة الألاف امن احسبتهم

اريدك لو وصلت الميمنتهم

تلوح بسيفك آخر ميسرتكم

اصيح ابني الشهم كلما اخذتهم

و اكلك جيبهم و ترد جبتهم

ها و اريدك عالنهر .. ها مثل سيف القمر 

ها يشبعهم قهر .. علي علي

ضواك من قمر هاشم

اريد راس ابن غانم

📌📌📌📌📌

اعرفنك و لا يحتاج اذكرك

و لاكن يمه بس بهاي اخبرك

فعال المو زلم من عدها احذرك

تره يدور مكيده الما يقدرك

و اخافن من سهم جاهل يغدرك

اخذ قلبي و درع شده اعله صدرك

هذا حيدر في بدر .. هذا اشرد يا شمر

هذا يا هل الغدر .. علي علي 

نجاة موتك الحاسم

اريد راس ابن غانم

📌📌📌📌📌

اذا تنزل على الحومة و ثراها

اريدك فوقهم تطبق سماها

عليك ابداعت سكينه و ضماها 

اريد اعيونهم تخطف ضواها

السبعة الالاف و الواقف وراها

اهلهل لو شفت جفك لواها

لو تسد عين الضوه .. لو تقص راس الهوه

لو على خيامك نوه .. علي علي 

نخيت ربك العالم

اريد راس ابن غانم

📌📌📌📌📌

يجاوبها علي و تسمع كلامه

يكلها اليوم اسويها القيامة

ييمه ادعيلي بس مو بالسلامة

عطش خييم على عيويني بضلامه

اذا ابنج عليهم سل حسامه

منو يمس والدي و يوصل خيامه

راح ازلزلها الارض .. راح اشق طول و عرض

راح اصليهم فرض .. علي علي

اشيل راسه اليقاوم 

اريد راس ابن غانم

📌📌📌📌📌

انه رايح بعد صوب المنيه

و اذا ارجع اسولفلج عليّه

شسوي بحالهم بالغاضرية

ادنق روسهم تحت الوطية

و اجي و راس التريديني  بديه

و اقدمه الوالدي و اطلب هديه

ما شكيت امن الدمه .. ما تحملت الضمه

ما بجت عين السمه .. علي علي

و اصيح العطش ظالم

اريد راس ابن غانم

📌📌📌📌📌

و افوت الخيمتج يمه و اذكرج 

و اذب هم الحرب كله اعله صدرج

يروح الماي فدوة الهذا عطرج

و تهون الدنيه كلها قبال خدرج

و اودعج ثاني مره و اريد اخبرج

اردلهم بعد بس ما اردلج

لا اخونج بالعهد .. لا نسيت انه العهد

لا يصب دمعج بعد .. علي علي

حسين جرحج القادم

اريد راس ابن غانم

📌📌📌📌📌

اطيح و عينج تشاهد يحره

السهام بوسط قلبي مستقره

اسوي القاع بالدم قطعه حمره

و ابويه يشيلني يريد اعله صدره

و لاكن للاسف مكسور ظهره

و انه بجسمه اعتقد ميتين طبرة

مو تلجمين الجرح .. مو حبيبج ينذبح

مو عذابج للصبح .. علي علي

لحين طلعت القائم 

اريد راس ابن غانم

صوت : محرم 1440 - يا إلهي يا علي

ویدیو : محرم 1440 - يا إلهي يا علي