حاج ملاباسم کربلايی

ليلة 3 شهر محرم الحرام 1440 هـ

 قصيدة: موتي 

أداء: الحاج باسم الكربلائي

 كلمات: الشاعر ناظم الحاشي

 المكان: هيئة شباب الأكبر (ع) - لندن

موتي .. و انته وياي 

يسوه .. عندي دنياي

اذا طال الغياب 

جفن صار الحجاب 

موتي .. و انته وياي

⚫️⚫️⚫️⚫️⚫️

امنية كل بت يبوها و هذا مشهود

بموتها و زفت عرسها يكون موجود

و انته عفت دموعي تجري فوق الخدود

قمت ارش بيها اعله دربك بلكت تعود

شجرة .. و غصني مهجور

قلبي .. عفته مكسورة

و العيون على الباب 

جفن صار الحجاب 

موتي .. و انته وياي

⚫️⚫️⚫️⚫️⚫️

ازحف و انظر لأثركم من وره الباب

ارجع اشتم بعطركم بين الثياب

و العليلة تريد يمها جمعت احباب

و امها لو طاح الحجاب تعدل الحجاب

شمعة .. ماكو بالبيت

ظلمة .. و انته ما جيت

ولا صوت للأحباب

جفن صار الحجاب 

موتي .. و انته وياي

⚫️⚫️⚫️⚫️⚫️

افرش فراشك و احضنه وقت الغروب

و انته نايم عالتراب بجسم مسلوب

مو قلب عندي يبويه مثل القلوب

طفل يبجي الليل كله بصدري مرعوب

قلبي .. يشكي الوداع

و انته .. باقي عالقاع

جسد طاح بالتراب

جفن صار الحجاب 

موتي .. و انته وياي

⚫️⚫️⚫️⚫️⚫️

خيط شمعة و نزل دمعي بكل الأكتار

و انطفي و ريح انتظارك تشعل النار

قلبي جن يعلم يبويه عن حدث صار

قمت اشم ريحة خيمكم عندي بالدار

و انته  .. و عمتي تبجون 

عمي .. حادي الضعون

و احس نار بالثياب

جفن صار الحجاب 

موتي .. و انته وياي

صوت : محرم 1440 - موتي

ویدیو : محرم 1440 - موتي