خیمه گاه صفحه نخست مراسم آتی تصویر ویدیو صوت درباره ما تماس با ما
صفحه نخست درباره ما تماس با ما لیست صوت لیست ویدیو لیست تصویر

حاج ملاباسم کربلايی

متن مداحی استودیویی كل شي راح - حاج ملاباسم کربلایی
۷ مهر ۱۳۹۷ 9878 0 نظر

قصيدة [ كل شي راح ] 

أداء: الحاج باسم الكربلائي 

كلمات: الشاعر السيد عبدالخالق المحنه

 

كل شي راح  لحظة غيابك 

و استراح   قلبي بعذابك

حتى لو   ترجع لي ثاني

راح اقول  طيفك اجاني

▪️▪️▪️▪️▪️

ايست ترجع يا غالي  حتى لو قالوا رجع

نظرتك نظرة نهاية و وجهك بصدري انطبع

يمه من غابت شمسنه بالافق نحرك طلع

انت لو باقي على مهرك ليش انا قلبي وقع

يمة خاف  عالغبرة واقع

يمة خاف  ظامي و تنازع

و اليموت   مو انت اني

راح اقول  طيفك اجاني

▪️▪️▪️▪️▪️

من درت ظهرك عرفتك للمصايب مستعد

اني ام و قلبي يعلم باليرد و الما يرد

بس قلت عباس عنده و ابني عسكر مو فرد 

يعني كل شر ما يصيبك و القمر عنده زند

خوفي لا    ذبحوا عضيدك

خوفي لا    قطعوا وريدك

لا تموت     موت الخذاني

راح اقول   طيفك اجاني

▪️▪️▪️▪️▪️

من اطب دارك كاني انظر رماد الخيم

و الصده يرعبني و اسمع ركضة و سياط و الم

مرتين جفوفي توقع لو جبت طاري العلم

يبني شو قلبي لجمني  يمكن بقلبك سهم

بالتراب   تسعة اصابع

بالتراب   خنصرها ضايع

صرت اشوف  و اني بمكاني

راح اقول طيفك اجاني

▪️▪️▪️▪️▪️

اكتبت مرة بطريقك ابني رد من السفر

و الهوه هب و قلبها و لنها مكتوبة نحر

و اكتبت كلمة كفالة و انقرت جف و نهر

و اكتبت زينب اميرة و اشعر بوجهي انسطر

قلبي حاس  زينب سبية 

قلبي حاس  رحت من ايديه 

يللي ما  ردك حناني

راح اقول طيفك اجاني

▪️▪️▪️▪️▪️

لو صدق ترجع لي يبني حتى افرح و ابتسم

لا تظن افرح بخوتك هو بس انت المهم

ما ترد يحسين اعرفك لا حقيقة و لا حلم

يولدي و هواية صعبة يصفه بيت بلا زلم

ها يموت  شو ما تجيني

ها يموت  راحوا بنيني

ابني وين  يلهج لساني

راح اقول  طيفك اجاني

▪️▪️▪️▪️▪️

اعرفت ميت يا يمة و نزلت ايدي من الدعه

و المهم راضي عليَّ و راضي عن الاربعة

والله من قالولي ظهرك منحني عالمشرعة

انحنى ظهري و لهسه امشي و اني راكعة

اشباقي بيك  من الحوافر 

اشباقي بيك  مو انت صاير

ليش اعيش  مدري شجاني 

راح اقول    طيفك اجاني

▪️▪️▪️▪️▪️

اني ما مكسور صدري لكن اشعر بالكسر

جن عشر خيالة تسحك صدري كل يوم الظهر

و عرفت هاي النهاية و ملتقانا بالقبر

و الشمر قالولي بالطف يعني زينب باليسر

يا حسين   فدوة لترابك 

يا حسين   سلبوا ثيابك

ما اقول     بعدك عماني

راح اقول   طيفك اجاني

 


صوت : 1440 - كل شي راح

ویدیو : 1440 - كل شي راح


متن مداحی عربی متن اشعار عربی الحاج ملاباسم الکربلايي محرم 1440
گزارش 3
برای ارسال نظر وارد شوید و یا ثبت نام کنید.

comments نظرات

هنوز نظری ارسال نشده است.
جدیدترین محبوب ترین داغ ترین
تمام حقوق این صفحه محفوظ و متعلق به حاج ملاباسم کربلايی می باشد.