حاج ملاباسم کربلايی

قصيدة : كلماتج

للشاعر : السيد عبد الخالق المحنه

المناسبة : ليلة 20 محرم 1440 هـ

المكان : حسينية الحاج داوود العاشور

كلماتج البيهن ضوه

ما يطفن بليل السبي

دمعج نزل بس مو دمع

مثل الوحي و قاصد نبي

🍁🍁🍁🍁🍁

يا شذرة من كرسي العرش

بس غير اوصافج دمه

طحتي ارض فوق الارض

بس وقعتج من يا سمه

شفت بخيالج جف علي

و شفت بدموعج فاطمة

نوحي انتي و الطوفان اجه 

تتلاطم امواج الدمه

اهنا اثر حنه و شمع

و اهناكه خنصر منكطع

و اهنا فرس كاسر ضلع

و اهناكه ضحكت ناصبي

🍁🍁🍁🍁🍁

من حرّك رموشج هوه

راس الكفيل اهتز غضب

قلبج مثل باب النبي

و الحادي حمّالات حطب

يالحافيه فوق الرمل

واجب يفرشولج ذهب

كل نظرة منج عاصفة

جيش العده يرجف قصب

الف و تسعمية قلم 

كتبن على اطلال الخيم

زينب على الناقة علم

عاش الوقار الزينبي

🍁🍁🍁🍁🍁

بعده الطريق ابأوله

درب السفر اسمه الشمر

ممكن شمر يذبح نبي

بس يخسه يذبح خدر

طيحي لجن طيحة عشب

بس ينحني ما ينكسر

ليش انكسر جنح الوحي

بيدج محمد يحتضر

غيم السبي شايل عطش

اخرس مثل ليل اهدعش

لو قالوا الراس انخدش

قول البقاء المعصبي

🍁🍁🍁🍁🍁

شفتج تدورين القمر

بين النجوم و ما يصح

هذا الضوه مو بالسمه

يمج يزينب عالرمح

خد يشرق بليلج ضوه

و الثاني يشرق بالصبح

و ثنينهن يطفن سوه

لو ينزف بمتنج جرح

والله لون يحجي الحبل

شاعر يصير و يرتجل

كلما وقع يمج طفل

ناده كفيلج عاتبي

🍁🍁🍁🍁🍁

انفاسج مضيعه هوه

و اعيونج امضيعه خوي

و الناقه تعثر مو تعب

بس بونينج تنجوي

تشرب دموعج بالسفر

لا تعطش و لا ترتوي

يا وسفه يطويج الحزن

مثل الصحف من تنطوي

عمرج كبر يم النهر

خمسين عام و كم شهر

رمح الحزن بيج استقر

مو سهلة من تتسلبي

🍁🍁🍁🍁🍁

نظراتج الروس اخوتج

نظرة سجين اعله الشمس

طبع الفراشة تحب ورد

موعالمحامل تنحبس

و احساسج الينزل نده

و الحادي صخرة و ما يحس

جم باجر يريد الدرب

و انتي اعله قلبج جم امس

صفناتج ينقطّن حجي

بيهن عتب بيهن بجي

ظهرج تعب خل يرتجي

بس لا يشوفج اجنبي

🍁🍁🍁🍁🍁

نعسانه بس كلج حذر

مثل القطن ساهر يظل

صايود الفرصة رمش

من ينزل يطيح الجبل

منتبها بعيونج ملح

و الشامت يدور خلل

احمر شفت وجه القمر

زعلان لو من الخجل

شيبتي يا غصن الورد

يا مملكة و قادج عبد

هذا الوكت نار و برد

يا حرة لا تستغربي

صوت : محرم 1440 - كلماتج

ویدیو : محرم 1440 - كلماتج