هیئت مادرم فاطمه (س)زنجان

آلنینون قانئیلن قانه بویانمیشدی یوزی

 

اورگیندن چکه بیلموردی او پیکانی اوزی

 

نهر علقم طرفینده ایله قالمیشدی گوزی

 

وار دئیردی یری دل مجمر غمدن آلیشا

 

هانی غیرتلی ابالفضلیم الیمدن یاپیشا

 

آپارا کاش بیری قارداشیم عباسه خبر

 

دیه گل ایتدیله زهرا ایوینی زیر و زبر

 

ووردولار قارداشوون قلبینه بیر تیر سه پر

گوزلیور لوح دله نقش محسن چکه سن

 

اورگیندن گلیب اوچ شعبه اوخی سن چکه سن

 

سالدی بو غمده حسین عالمه محنت کوزونی

تیکدی چوخ حسرتیله نهر فراته گوزونی

 

گوییا ایتدی بو نوعیله مخاطب اوزونی

 

گوزووی نهر فرات اوسته دولاندیرما حسین

چاغیریب دادوه عباسی اوتاندیرما حسین

 

خرمن عمرینه ظلمیله عدو سالدی شرر

 

اولدی کاشانه امیدی اونون زیر و زبر

 

بیر نفر السیز اگر اولسا الیندن نه گلر

 

کیم مگر سسلییر امدادینه امدادی یوخی

 

سلام اولسون ایکی مست السته/باجی محملده قارداش نیزه اوسته/ بری گوزلرده القان دیلده قرآن /بری قامت کمان یوللارده خسته/پوزولمیش  نقشه باخ نقّاشه آغلا/قوجالمیش بیر باجی قارداشه آغلا/سنق محمل سوزی دوشسه هایاندا/دی یا زینب یاریلمیش باشه آغلا/

خزان ئوز کینه سیندن کام آلاردی/باخوب بلبل گُله حیران قالاردی/دینده یا حسین محملده زینب/وفاسز کوفه اهلی ال چالاردی/

مصیبت داشلانوب سینم یارلدی/سوز اوستوندن حجاب غم یارلدی/دینده اَم حَسبتَ قانلی لبلر/ایکی شوریده باش با هم یارلدی/

جبین ماهیلن داش بوسه لشدی/اوجالدوب آهین آهولر ملشدی/کسلمیش باش گوزین که آچدی یومدی/بیر آغ بیر چک خانم قانه بلشدی

یریشده ناقه لر اویناتدی کوهان/اورکلر تک بدنلر اولدی لرزان/چوخی بیلموردی زینب باش یاروبدی/آچوب اسراری محملدن آخان قان/

خانملار گوزده اشگی دل شکسته/دیولّلر عمّه عمّه دسته دسته/آخور قان زینبون باش یاره سیندن/ئوزی حیران کمک لر دست بسته

است

الی اولسیدی چکردی اوزی آلنیندان اوخی ⚔⚔⚔

 

ابوالفضــــــــــل عاشقــــــــــلری:

کیمدی زینب سوزی مصداق هدایتدی بیزه

 

زندگینامه سی دیباچه غیرتدی بیزه

 

خانمون مجلس یاسی ائله جنتدی بیزه

 

نقدر واردی توان تنده دئنن یا زینب

 

حضرت مهدی دئیوب سنده دئنن یا زینب

 

*****

 

کیمدی زینب سوزی کسدی ستم ریشه سینی

 

سعی ائدوب قارداشینون نشر ائده اندیشه سینی

 

سیندیروب سنگ جفاگر چه ئورک شیشه سینی

 

او زمان باخمادیلار گوزدن اخان گوز یاشینا

 

ایندی اما دولانور قبرینون عالم باشینا

 

سجده گه قانین اورک قانینی هم خون گلو 

بواوچون بير بير قاتدی ائدوب آب وضو 

قانلی لبلردن اوجالدی اوزمان ياحق وهو 

ال اوزی قانلی اوحالتده دوتوب قبليه رو 

دئدی موسای کلیمون گوزی سیناده گزور 

ربّی اَرنی دئمرم قهره گلوب لَن دیه سن

لَن ترانی منه موسیٰ کیمی بیردن دیه سن

اوقدر دینمرم آخر ئوزون احسن دیه سن 

باشیمی سالام اشاقه نه دئسون سن دیه سن

تا اولا روحه غذا عشق خدا داده گزور 

هدیه نی چونکه بوکر بوقچیا ارباب صفا 

احترامیله وئر سویگلیه اهل وفا 

اکبرین جمع ائلدم نعشینی اولدی بير عبا 

اوغلومی ائتدیم عباده سنه تقدیم خدا 

ایندی چگنیده عبا محضر زهراده گزور

مرحوم منزوی اردبیلی

🔹#هیئت_مذهبی_مادرم_فاطمه_زنجان

با  کانال وگروه هیئت همراه شوید.

👇👇👇👇👇👇

 

کانال هیئت مادرم فاطمه(س)زنجان

@emamfatemh1818zn

گروه هیئت

@heatamadaramfataema

پیج اینستاگرام هیئت

madaram.fatamh.zn

💠ألـلَّـهُـمَــ عَـجِّـلْ لِـوَلـیِـکْ ألْـفَـرَج💠