هیئت مادرم فاطمه (س)زنجان

دیده ی دوران حسین تک مرد میدان گور میوب

 

بیر بیله ازاده رهبر چشم دوران گورمیوب

 

ویردی الله کا ئناته جلوه اون دورت نوریدن

 

افضل ایتدی اونلارین قدرین ملکدن حوریدن

 

پنج تن بزمی حسنیله دولوبدی شوریدن

 

باشدی زهرا اوغلونون کربو بلاسی طوریدن

 

حیف او طوری حضرت موسی بن عمران گورمیب

 

دوره گردم من محبت باغینون سیاحیم

 

معنویت بزمینون پروانه مصباحیم

 

گوز یاشیم لشگلر اورکلر ملکینین فتاحیم

 

مدعی چوغ طعنه ورما من حسین مداحیم

 

بیر گلوم وار که او گولدن هیچ گلستان گورمیوب

 

گزسه عیسی گویلری بیر الده گون بیر الده آی

 

کل عالمده تاپا بیلمز بیزیم مولایه تای

 

دورسا بیر صفده گوزللر سن حسینی باشدا سای

 

ویردی الله سوم شعبان اونی زهرایه پای

 

نه بشر مثلین اونون حوری و غلامان گورمیوب

 

روز محشرکه اولار مردم بهشته مشتری

 

جمع اولار دور حسینه بیر محبت لشگری

 

حوری لر سسلر گلون گیتمز حسین عاشقلری

 

((قدر زر زرگر شناسد قدر گوهر گوهری))

 

مقتدر شاهلار بو شخصیتده سلطان گورمیوب

 

نقل ایدور زینب که عمرونده بابام شیر خدا

 

ئوز آدیلا سسلنردی اهلبیتن جا به جا

 

لیک گوردور قجا حسین قارداشیمی اول با وفا

 

احتراما یا اباعبدالله ایلردی ندا

 

آفرینش چرغی بیله ماه تابان گورمیوب

 

اولدی ابراهیمه نازل اوت یانیندا جبرئیل

 

هر سوزون اولسا دیدی خدمتگزارم یا خلیل

 

گیت دیدی کیم پنج تن حقین تانور اولماز ذلیل

 

منجنیق اوستونده سسلندی حسین جان الدخیل

 

دوندی اوت گلزاره جانی صدمه اوتدان گورمیوب

 

بو نه سوزدور که بیورموش حضرت خیر الانام

 

قانیمیز بیردی حسین مندندی منده اوندانام

 

گلمسیدی فدیه اسماعیلیدن قالمازدی نام

 

او دیری قالدی حسین گلسین وجوده والسلام

 

پس حدیث مصطفی کاملدی نقصان گورمیوب

 

بو حسین کیمدی که دوشمز پاک دللرن آدی

 

آدینی ذکر ایلدوقجا آغزیمون آرتار دادی

 

قنداقی عرشه گیدوبدی گور مقامی هاردادی

 

باشینون دستمالینی جبریل گویدن آسلادی 

 

خلقتندن بیله تزئین عرش رحمان گورمیوب

 

قاره سین سویماز حسین دیوانه سی گر جان چیخا

 

سینیه اله ورار تا دوشلریندن قان چیخا

 

آغلادی شیعه گرک یردن گویه افغان چخا

 

قویما عاشورا غدیر خم کیمی یاددان چخا

 

مدعی آزاده لردن نقص پیمان گورمیوب

 

وای اگر قول نبی آویزه ی گوش اولماسون

 

بو حسین عشقی گرک دللرده خاموش اولما سون

 

ایلیون همت که عاشورا فراموش اولما سون

 

رو سیه دور ایلده هر کیم کی سیه پوش اولما سون

 

عشقین اعجازین او بیچاره کما کان گورمیوب

 

آند اولا ویرانه ده زینب دوتان ماتملره

 

آند اولا دین دوره سینده حصن مستحکملره

 

آند اولا ارواح طیب سیر ایدن عالملره

 

قویماروخ بیگانه چپ باخسون قرا پرچملره

 

عشق دریا سین هله دشمن خروشان گورمیوب

 

ای سوزی بیر عمر اولان یا لیتنا کنا معک

 

بعد دفنون قبریوین اوسته گلر بیر جوت ملک

 

سسلنلر کی ای حسینون عاشقی دور یاتما تک

 

وحشته دوشمه سنه مولا ئوزی ایلر کمک

 

هیچ حسینچی تپراق آلتدا رنج و حرمان گورمیوب

 

قلبیمیزدن یا حسین بو عشقی الله آلماسون

 

تاپشور عباسه عزاداری نظردن سالماسون

 

تذکره گوندر اورکلرده بو حسرت قالماسون

 

کربلا شوقیله مرغ جان نجه پر چالماسون

 

قبریوی چوخداندی بو جمع پریشان گورمیوب 

 

هر بلا گلدی یولوندا جانه آلدوخ یا حسین

 

باتدی عاشقلر قانا بیز دالا قالدوخ یا حسین

 

عمروموز گیچدی نظر یولارا سالدوخ یاحسین

 

سن آنان جانی داخی بسدی قوجالدوخ یا حسین

 

بوحالا دوشمز اوکس که داغ هجران گورمیوب 

 

سوز یازوب گیچدیم بو سری واقف مطلب بیلر

 

صبح صادقده نلر وار زنده دار شب بیلر

 

سوز هجرانی هر عاشق چکسه تاب وتب بیلر

 

ای دیلیم لال اول حسینون قدرینی زینب بیلر

 

غصه لی عمرونده زینب راحت جان گورمیوب

 

مقتله گلدی دیدی دیده مده قان یاش وار حسین

 

هار دا سان سس ور منه نه یارو یولداش وار حسین

 

دشمنیم کامه چاتوب هرالده بیر باش وار حسین

 

بلمزیدیم کربلاده بیر بیله داش وار حسین

 

داشلار آلتدا هیچ باجی قارداشین عریان گورمیوب

 

فکریوی قارداش باجون باشدان بیلورسن آتمادی

 

آی گجه باتدی فرات اوسته سیزیلتی باتمادی

 

من کشیک چکدیم الیم عباسه نیلیم چاتمادی

 

هرنه یالواردیم ربابه صبح اولونجا یاتمادی

 

هیچ آنامدا بیر بیله شام غریبان گورمیوب

 

وار حسین بیر شایعه سالمیش منی حالدان حالا

 

کوفده دشمن بیزی ممکندی زندانه سالا

 

نیلرم نازلی رقیه غملی محبسده قالا

 

منده ئولم قورخودان ئولسه او شیرین دل بالا

 

اوچ یاشی واردی هله عمرونده زندان گورمیوب

 

عادی نسوانه ((کلامی)) زینبی ایتمه قیاس

 

بو خانم اسلامی احیا ایتدی بی خوف و هراس

 

یاز ابوالفضلین باجیسی شمره ایتمز التماس

 

باشینی غارت آغارتدی تارومار اولدی اساس

 

دوشدی بیر گردابه که نوح ایله طوفان گورمیوب

شعری زیبا از استاد کلام الله زنجانی

🔹#هیئت_مذهبی_مادرم_فاطمه_زنجان

با  کانال وگروه هیئت همراه شوید.

👇👇👇👇👇👇

 

کانال هیئت مادرم فاطمه(س)زنجان

@emamfatemh1818zn

گروه هیئت

@heatamadaramfataema

پیج اینستاگرام هیئت

madaram.fatamh.zn

💠ألـلَّـهُـمَــ عَـجِّـلْ لِـوَلـیِـکْ ألْـفَـرَج💠