الحاج ملاباسم الکربلايي

۱۶ مهر ۱۳۹۷ 434 0 نظر

قصيدة : صليت

للشاعر : ناظم الحاشي

المناسبة : إلى مشاية الزيارة الأربعينية

اصدار : محرم ١٤٤٠ 

 

مشاي على وعدك  .. صليت لو بعدك 

لحسين شنو ردك .. اجب

🍂🍂🍂🍂🍂

قاصد على حسين بدمع زكيها العيون

لا تنظر ابنظرة بشر بالغير مفتون

لو اذن آذان اعتني ويه اليصلون 

عنك حسيني ملتزم خلهم يقولون

اداب تدريها .. وصاك علي بيها

خليك على عهدك .. اجب

🍂🍂🍂🍂🍂

حسين يريدك من تزوره يشوف بوجهك مصيبة

تجري دموعك لجل الجثة الظلت بالطف سليبة 

عوف الغيبة و سامح و اعفي و نفسك عنك رقيبة

سفرة لربك هاي السفرة مو بس قاصد حبيبه

تحتاط من كلشي .. وياك نبي يمشي

لحسين مو وحدك .. اجب

🍂🍂🍂🍂🍂

انظر عليهن للمشن خواتك

و امك وياهن بالمشي و بناتك 

و الزهره تمشي و تندعي لنجاتك

زينب عليه تصيحلك جزاتك

لحسين خطواتك .. غفران زلاتك

إن كان هو قصدك .. اجب

🍂🍂🍂🍂🍂

بالمروة تمشي و الصفا بين الامامين

بالكعبة طايف لو طفت عباس و حسين

حته الهوه احرم يحج يم اعظم اثنين

لو زعلتهم يا تره غفرانك منين

لا تعوف قرأنك .. و تطيع شيطانك

و يضيع كل مجدك .. اجب

🍂🍂🍂🍂🍂

كل خطواتك خطوة بخطوة حسين يردلك فضلها

من تمشيله يرد يمشلك يوم المحشر مثلها

حسين الصورة الما يرسمها دمعه يضيع شكلها

قربان الطف و اسماعيله و بيته الجامع شملها

لحسين دمعاتك .. ترتيل آياتك 

لو ماي على خدك .. اجب

🍂🍂🍂🍂🍂

يالمتشي لجل حسين اخذ صفاته

رغم الحرب بس ما ترك صلاته

اخذ الحياتك عبرة من حياته

و انسى الهوه و لا تنسى ذكرياته

من مات من اجلك .. مفروض يوصلك

شنو راد من عندك .. اجب

 


صوت : 1440 - صليت

ویدیو : 1440 - صليت

ویدیو : 1440 - صليت - زیرنویس فارسی



 

 

 

 

 

 

 

کلید واژه ها:

ملاباسم عربی - ملاباسم اربعین 97 - متن اشعار عربی اربعین ملاباسم کربلایی - اربعین 97 - متن مداحی اربعین 97 - متن اشعار عربی اربعین 97 - اربعین 97 عربی - مداحی استودیویی ملاباسم برای اربعین

گزارش 1
برای ارسال نظر وارد شوید و یا ثبت نام کنید.

comments نظرات

هنوز نظری ارسال نشده است.
جدیدترین محبوب ترین داغ ترین
تمام حقوق این صفحه محفوظ و متعلق به الحاج ملاباسم الکربلايي می باشد.